اؤزگورلوك آلووو-آلپارسولدوزلو

آلوو گئتديكجه گورله شير

كؤنول له ر سيرالاشير

گووه نج له آليشماغا ، يانماغا

گرچه ك ياشامين

گرچه يي ني دوشونمه ك گؤره و دير

دوزگون دوشونمه ك

هئچ زامان ايشيغي گيزله ت مه ك اولماز

مين بولوت قويماسا گون چيخاجاقدير

قارانليق ايشيغي بوغماق ايسته ر سه

ايشيق ليق ظولماتي تام ييخاجاق دير

دالغالي كؤنول-آلپارسولدوزلو

سينير لار آسلانيب آياق لاريمدان

قورخولو بير توپراق گؤزله يير مني

سينير لار سورونور من ايله بوگون

سينير لار اوجالسا آخير پوزغون دور

اوره گيم چيرپينير آيريليق چتين

سئويملي اؤلكه ده ن آيريلماق گه ر گين

اينسانليق سئوگي سي-آلپارسولدوزلو

باخماياق اؤلكه ده بيز بير بيره بيگانه ساياق

گل وطن داش! بوتون اينسانلاري حؤرمتلي ساياق

هئچ اوره ك باخ ياراسيز همده كدر سيز اولماز

دردلي له ر دردي – غمين ، قوصصه سيني جانلا دوياق

شنليك اولسا هامي قارداش- باجي – يولداشدي بوتون

گل چتين ليكده بيز اينسان لاري دوزگون سيناياق

قونداقدا قوجالماق -آلپارسولدوزلو

دوغولدوم

گؤزله ييردي قونداق

ال – قول چالاندا

بله دي له ر مني

بله ك ده ياشاماق يازيلميش منه

توپراق دوشونجه سي-آلپارسولدوزلو

كؤلگه مين كؤلگه سي

ائكيز دوغاجاق

توپراغين دؤشون ده ن

آنلاييش سوتو

امه جه ك له ر

توپراغي دوشونوب

گرچه ك ياشامي

ياشيل ياشاييش-آلپارسولدوزلو

ياشاييش

ياشيل دير

بله شمه سه آل قانا

هانسي ال له ر

ياشاييشي

دارا چكيب

آسير لار

ياشاييشين نفسي ني كسير له ر

خوجالي فاجيعه سي-آلپارسولدوزلو

گل اونودما قاراباغ فاجيعه سين

جان ياخان سوي قيريمين حاديثه سين

بو نه دووراندي فلك؟!

خوجالي فاجيعه سينده

دوشمان

بارماقي الده ن آييردي

الي قولدان

قولو پئيكه ر ده ن آييردي

گؤزو قاشدان

قولاغي باشدان آييردي

قوتسال ديل-آلپارسولدوزلو

بير اوستون ديل

تانري بيزه پاي وئريب

ايلك كلمه

تام سئوگي ايله

ديله گتديك

«آنا» دير

«آنا»  ميزين

محبت لي گؤزله رينده ن