ديدرگين دالغا-آلپار سولدوزلو

بو پوزغون دونيادا اوزگون پريشانم نه دن؟ بيلمه م

ديدرگين دالغايام سالقاش طوفانم نه دن؟ بيلمه م

دولاشقان ساچلارين سؤيله مجاز دير يا حقيقت دير؟

بو آرقيش زولفده محكوك زيندانم نه دن؟ بيلمه م

بوتون عؤمروم گئچيب گئتدي قارينجيق لال باخيشين لا

بو سون چاغدا يئنه آماج پيكانم نه دن؟ بيلمه م

آخان گؤز ياشي تك دوشدوم گؤزوندن دوشگون آدلانديم

اؤز اؤلكه م ده بوگون بيگانه مهمانم نه دن؟بيلمه م

گؤزتچي اولموشام اولدوزلارا اسكيل مه سين گؤي دن

من اولدوز بسله يه ن مين گؤزله گريانم نه دن؟ بيلمه م

بلا چكميش جانيمدان سؤيله جانان ايسته كين سؤيله

جان ايسته رسه مطيع امر جانانم نه دن؟ بيلمه م

عؤمور سوردوم بونو من بيلمه ديم آخير نه دير سئوگي؟