توپراق دوشونجه سي-آلپارسولدوزلو

كؤلگه مين كؤلگه سي

ائكيز دوغاجاق

توپراغين دؤشون ده ن

آنلاييش سوتو

امه جه ك له ر

توپراغي دوشونوب

گرچه ك ياشامي

درينده ن

دوياجاق لار

گئتديكجه اوزگونلوك

اوزونده گؤرونوردو

قارانليق لا

دانيشيغيميز باشا چاتماميش

بير بوغومتول ايشيق

قارا اؤرتوكون آلتيندان

قورخونج اوزون گؤسته رير دي

اوره گيمه ياتميردي

او شكيل ده ايشيق

قاتيشيقسيز

دوم قارانليق

چوخ ياتيردي اوره گيمه

سون دانيشيق دا

ياپيشديم قارانليغين الينده ن

سؤيله ديم:

گئتمه دايان

اوره ك سؤزومو

سن له پايلاشيرام

گئتمه دايان

سن گئديب بيرده گلينجه

چيرپينما دولدورولور اوره گيمه

سيرتيق گونه شين الين ده ن

اوزولور جانيم

گوندوزده ، ايشيق دا بلله نير