خوجالي فاجيعه سي-آلپارسولدوزلو

گل اونودما قاراباغ فاجيعه سين

جان ياخان سوي قيريمين حاديثه سين

بو نه دووراندي فلك؟!

خوجالي فاجيعه سينده

دوشمان

بارماقي الده ن آييردي

الي قولدان

قولو پئيكه ر ده ن آييردي

گؤزو قاشدان

قولاغي باشدان آييردي

بو جينايت تؤره ده ن داشناك اؤزو

بير بؤيوك فاجيعه نين

خبرين فخر ايله

سوسموش عالم ده ياييردي

آذربايجاني اؤز يوردو ساييردي

سوي قيريم تهلوكه سين

ائرمني قوومونا چوخ قوتلو سانيردي

گؤره سه ن فاجيعه نين حددي ني بير كيمسه قانيردي؟!

يا كي دونيادا اولان مدعي له ر

مظلومو – ظاليمي هئچ بيرجه تانيردي؟!

اولماميشدي هله بازارِ جهاندا بو تيجارت

ال بير اولموشدو قساوت له خباثت

ديل داشيم بيرجه اويان

كيم دئييب دير سوساسان؟!

ياز گينان دردله ري قوي دونيا بيله

تا وطن داش

يا كي ديل داش

گله گؤز ياشيمي عشق ايله سيله

گؤره له ر گؤز ياشيمي

دؤنه جه ك سهم لي توفانلي سئله

داملاسي چئوريله جه ك

دالغالي بورغانلي گؤله

دونيا بيلسين

بير دنيز تك وطنيم دالغالانير

دامجي سي سئل اولاجاق

سازاقي طوفان اولوب يئل اولاجاق

هر وطن داش تكينه قوووه لي بير ائل اولاجاق

حاققيني آلماغا داش – توپراغي دا ديل اولاجاق

آزاد اولماق قوپوزوندا هه ره بير تئل اولاجاق

قويماريق پارچالانا توپراقيميز

قويماريق يئرده قالا بايراقيميز

گووه نير ميلله تيميز بايراقينا

امينيك بيز