اپريميش حسرت-آلپار سولدوزلو

درين باخيشلارين

گؤزله ريمي قاماشديرير

نور ساچير

قارانليق باغريما

باغريمين گؤزله ري

باخيشلاريندان

ايسلانير

آستا – آستا

داملالار سيرالاشير لار

گؤزومون ائوينده

قايناييب ، جوشوب ، داشير لار

گؤزومون اته گينده كي حسرت توزون سيلير له ر

شيديرقي ياغمورلار

اوتانيرلار

گؤزله ريمين دالغالاريندان

خاطيره له ريميزي آغلايان چاغدا

وارليغيميزين گوزگوسو

سايدام گؤسته رير

گؤزله ريمده اپريميش حسرتي

ياشام سس له يير، چاغيرير بيزي

ايسته ر – ايسته مه ز جوت ال داملالاري گؤزله ريمدن بير بير دريرله ر

بير اوزگون گولومسه دوداقلاريمدا

چيچه ك له نير

اويموش اوره گيم

چيرپينير

او حالدا

قارانليق باغريندان