زيروه له ر قارتالي آذرِبايجان-آلپارسولدوزلو – 1392 نوروز بايرامي
شنبه 3 فروردین 1392
+0 به يه ن
زيروه له ر قارتالي آذرِبايجان-آلپارسولدوزلو – 1392 نوروز بايرامي
هئچ زامان ايشيغي گيزله ت مه ك اولماز
مين بولوت قويماسا گون چيخاجاقدير
قارانليق ايشيغي بوغماق ايسته ر سه
ايشيق ليق ظولماتي تام ييخاجاق دير
***
گون اوزون چامير لا سوواماق اولماز
شرفين دوشونه ن ائل كؤكون يولماز
توپراق دان هئچ كيمه ذره پاي اولماز
تام بوتؤو قالمالي آذرِبايجان
***
قاسيرغا ، سئل – توفان ييخانماز ائلي
او ائل كي بيرليكه دايانسا بئلي
هر بير خالق قوروسا كولتورو- ديلي
ييخار هر توفاني بوغار گور سئلي
***
زيروه له ر آختاران يورقونلوق بيلمه ز
مقصده چاتار كه ن اوزگونه گولمه ز
دوز گئده ن آياغين ايزيني سيلمه ز
شرافت ماحالي آذرِبايجان
***
يوز ايل له ر اسيب دير بو يوردا توفان
عوصيانين گؤسته ريب آلوولو وولكان
تاريخين گووه نجي اولوب هر زامان
زيروه له ر قارتالي آذرِبايجان
***
اولاي لار قارشيندا دايانيب دوران
عدالت قورغوسون تاريخ ده قوران
حقيقت يولوندا دوز قيلينج ووران
اولاي لي، بلالي آذرِبايجان
***
اوجالدار هر خالقي اؤنملي هدف
هر كيمه گره ك دير قوروسون شرف
چاليشسين ائتمه سين وارليغين تلف
تاريخين جلالي آذرِبايجان
***
تؤره تسين بو بايرام گؤزه لليك سيزه
ياراتسين اوغورلار اؤزه لليك سيزه
هر ايش ده گتيرسين ازه لليك سيزه
اولماسين ملالي آذرِبايجان
***
بير دوداق نيسگيل وار خالق اوره يين ده
گؤرسه نير بو نيسگيل هر ديله يين ده
قانين دا، ديلين ده هم بيله يين ده
اوزه جه ك قاندالي آذرِبايجان
***
اؤته ن گون له ر ده ن بيز درس آلاق گره ك
بيليك له دوشونجه تام بولاق گره ك
زيروه له ر ساري نا يول سالاق گره ك
اوجامان اولمالي آذرِبايجان
***
اويانيب خالقيميز اوياق دير اوياق
دويغوسل چاليشماق ياساق دير ياساق
خالقيميز داياق دير بير بيره داياق
حاققي ني آلمالي آذرِبايجان
***
اورمان لار غزالي اود يوردوموز دور
كؤنلو تام يارالي بوز قوردوموز دور
ايگيد له ر ماحالي سولدوزوموزدور
درديني آلمالي آذرِبايجان
***
آلپارلار كمالي آفاق ي ميزدير
گؤزه ل له ر جمالي بايراغيميز دير
قيزيل دان باهالي توپراقيميزدير
گؤز اوسته قويمالي آذرِبايجان