اينسانليق سئوگي سي-آلپارسولدوزلو

باخماياق اؤلكه ده بيز بير بيره بيگانه ساياق

گل وطن داش! بوتون اينسانلاري حؤرمتلي ساياق

هئچ اوره ك باخ ياراسيز همده كدر سيز اولماز

دردلي له ر دردي – غمين ، قوصصه سيني جانلا دوياق

شنليك اولسا هامي قارداش- باجي – يولداشدي بوتون

گل چتين ليكده بيز اينسان لاري دوزگون سيناياق

دانيشيق دا هامي جاندان كئچيريك بير بير اوچون

ديلده يوخ بلكه عملده خالقي جاندان قوروياق

كئچميشين گوزگو سونو بيز آساغين گؤز اؤنونه

درس آلاق هر بير اولاي دا قايا لار تك داياناق

روزگار ييخسا وطنداش لاريميزدان نئچه سين

چاليشاق يارديم ائده ك هاممي آياق اوسته دوراق

ياشامين دوز تملي سئوگي دي ، جوشغون سئوگي

سئوه غين اينساني گل سئوگي يولون باغلاماياق

نه ايچون داورانيريق اؤلكه ده بيز نيفرت له

گل اوره ك ده بوغاغين اؤفكه ني، سئوگي ايله بوغاق

هر بير اينسان اولاني دوست توتاغين دونيا بويو

سئوگي اولمازسا اوره ك له ر اولاجاق چوخلو اوزاق

آي وطن داش ! ياشاييش قايدالارين اؤيره نه غين

ياشاييش اول و آخير بودور اينسان ياشاياق

قم – كدر دير بورويه ن هر بير اوره ك گوزگوسونو

قم پاسين سيلمه ك ايله دردله رينه اورتاق اولاق

اويموياق نفسين اويون بازليغينا هئچ بيريميز

چاليشاق بنده چكيب دوستاغا بيز نفسي سالاق

اودور اينسان كي باسا باغري نا هر اينساني

آچاغين كؤنلوموزون قاپيسيني هئچ باغلاماياق

سئومه لي يورد اودور كؤچمه يه اوردان هئچ كيم