قهرمان سولدوزون، ايگيد ار اوغلو آشيق رضا پوينده ايله دانيشيق. دانيشيق آپاران: احمد اسدي
شنبه 7 مرداد 1391
+0 به يه ن
قهرمان سولدوزون، ايگيد ار اوغلو
آشيق رضا پوينده ايله دانيشيق.
دانيشيق آپاران: احمد اسدي
سولدوز ديارينين سئويلن و آدليم اوزاني، آشيق رضا پوينده 1344جو ايلده سولدوزون عجم كهريزه كندينده دونيايا گليب. 9-جو صنيفينه قدر ائله اؤز كندلرينده، ديپلوما قدرده شهرده تصحيلاتينين آرديني توتوبدور. آشيق رضا گؤزل اوخويور، همده گؤزل چالير. گؤزل چاليب اوخوماقدان علاوه ده اونون بير بيلگيلي و مطالعه ائدن آشيق اولماسي و هابئله هاوالاردا سئچديگي يئني سؤزلر و شعرلر اونون او بيري آشيقلاردان فرقلي اولماسينا سبب اولور. آشيق رضا ائل آشيغي دير، ائلين درديندن دئيير، ائلين درديني سؤيله يير، آناديليندن اوخويور، پارلاق كئچميشيميزي ساز هاوالاري ايله جانلانديرير و آيدين گلهجكلره اومود وئرير هر بير اوخوماغي چاغداش دوروموزه اويغون و هر بير هاواسي ائلين درديندن سؤز آچاندير. دگرلي اوستاديميز آشيق علي قره آغاجينين تعبيري ايله دئسهك، آشيق رضا اورمو مكتبينده اولان آشيقلارين ددهقورقودودور.آللاهدان حؤرمتلي آشيغيميزا ياشاييشيندا باشاريلار ديلركن، سيزي اونونلا آپارديغيميز دانيشيغي اوخوماغا دعوت ائديريك.
