سئوينج ديلي-آلپار سولدوزلو02/05/1391
شنبه 7 مرداد 1391

سئوينج ديلي-آلپار سولدوزلو02/05/1391
شئعرله دوشونجه
بيرله شه ر كن
باجاريق تؤره ر
اوستون گوزه ل ليك دوغولار
دويماق لا آنلاق
قوووشارسا
جوشار سؤز
كؤنول ده ن
آخار شئعر
بئيين ده ن
سوزه ر سؤز
ايليك ده ن
سوموك ده ن
اوره ك ده ن
×××××××××××××××
بير ديل له دانيشاق
سئوينج ديلي ايله
تاپدانميش دويغولار
گول آچسين
ازيلميش ديله ك له ر قوووشسون
گوزه ل ليك بوروسون
يئني دونياني
داياز دوشونجه له ر
دووار ياراديب
گئتديكجه
اولوسلار آراسيندا
سينير لار تؤره نيب
آيريليق گون به گون
درين له شيب دير
اينسانين بير ديلي
ديليم – ديليم دير
سينير لار - دووار لار
سووودوب، دونداريب
ايستي قانلاري
سئودالي كؤنول له ر
داشا دؤنوب دور
بو دوروم يارادان
داياز بيلگي دير
داياز دوشونجه
يالان ايلگي دير