سينير لار پوزولمالي دير- آلپار سولدوزلو 25/03/1391

آهاي گوجله ، آلتونا اويان لار !

كئچميش يوز ايل ده

يوز ميليون سوچسوز اينسانين

آلدينيز جانلارين

دويمادي نيز

قانلا دووارلار چكدي نيز

اولكه له ر آراسيندا

سينير لار ياراتدي نيز

اوره ك له ر آراسيندا

بللي دير آيريليق يارادان

دووار لار ، سينير لار

پوزولمالي دير

دونياميز دولو سئوينج له

بير ائو اولمالي دير

گرچه كده ن

اؤفكه تؤره ده ن سينير لار

ييغيشمالي دير

بوتون آيريليق ايزله ريني

بير ليك ده سيلمه لي ييك

اوجا ، قالين دووارلاري

يئرده ن گؤتورمه لي

آهاي «سينير لار»! يورولمادينيز؟

دورمايين ، چكي لين يولومدان

ايستي ره م دوغودان – باتي يا

بير آدديم آتام

گونئي ده ن – قوزئيه

دولانام – گزه م

 بير گؤز قيرپمادا