«گرچه ك رؤيا»-آلپار سولدوزلو-16/09/1390
شنبه 30 اردیبهشت 1391
+0 به يه ن
«گرچه
ك رؤيا»-آلپار سولدوزلو-16/09/1390
بير دونيا ياراديب
باخيشيم منه
بو دونيا چوخ كيچيك
ائني – اوزونو
سانيرديم دونياني
گئنيش لي – بؤيوك
چوخ زامان ايتيرديم
درين رؤيامدا
قارتال تك چاليرديم
اويخومدا قاناد
گؤي له رده ياريرديم
مين له ر جه بولود
قوينوما آليرديم
آيي اولدوزو
گون ايله ياتيرديم
آي لا باتيرديم
اوجامان ليق دويوب
من اوجاليرديم
گلمه ييم گلميردي
گؤي له رده ن گله م
كؤنلومده ن ، فيكريمده ن
رؤيامي سيله م
ايسته رديم گؤي له رده ن
آييرام بير قات
گؤيون سينه سينده ن
مين اولدوز دره م
قوپاردام اولكه ري
گون ايله آيي
گتيره م بير قوجاق
پارلايان اولدوز
پارلايا اود يوردو
گووه نه سولدوز
ايستيره م رؤيامي
گرچه ك له نديره م
اؤلكه مي يوردومو
گؤيچه ك له نديره م
يئر اوزون اولدوزلا
ايشيقلانديرام
دوغودان باتي يا
يئر-گؤيو بوتون
«آي – اولدوز» شوق ايله
شافاقلانديرام
وطن داش! بيزله ره
گؤره ودير بوتون
اوره كده ن يول بيرليك
گره ك دير بوگون
وئره غين ال – اله
بير بيره داياق
لاي لايا اويموياق
قالاغين اوياق
قارانليق باغريني
دئشيب داغيداق
چاليشاق اولكه ميز
يالقيز قالماسين
قارانليق گونه شه
غاليب اولماسين
قارانليق سئوه ن له ر
اؤلكه ده بير آن
پارلايان « آي – اولدوز»
پارلاق گونه شي
قارانليق دوستاغا
بنده سالماسين
