يالنيز كؤنلوم
سه شنبه 13 تیر 1391

يالنيز كؤنلوم- آلپار سولدوزلو 09/04/1391
سني دوشون مه يه باشلاديم
اؤزوم دوشون مه ميش
سني دوشون مه يه چاليشديم
اؤزومو دوشون مه ميش
كؤنلومون يوللارين بوتون آچديم
هر كيمسه يه
گؤزله ريم آچيلماميش
جوشغون سئوگي دنيزي نين دالغالي بورغانلارينا
تاپشيرديم يالنيز كؤنلومو
اوزمه يي اؤيره نمه ميش
***
بوغولدوقدا
بير يالنيز ، آيري دوشموش دالغا
اوزگون كؤنلومو باسدي باغرينا
قودوز بورغانلارين آغزيندان آلدي
چاتديردي سئوگي دنيزينين قيراغينا
اؤفكه لي دالغالار
او يالنيز دالغاني
آلدي لار اؤج له ري نين كامينا
چكدي له ر قودوز بورغانلارين آراسينا
كؤنلوم، دنيزين بوتون لوكون
ايچمه يه باشلادي